ABŞ artıq dövlət borcuna görə ödədiyi faiz xərclərinə müdafiə xərclərindən daha çox vəsait yönəldir. Bu, ilk dəfə qeydə alınıb və son təxminlərə əsasən tendensiyanın davam edəcəyi gözlənilir.
Məlumata görə, ABŞ-ın faiz ödənişləri 879,9 milyard dollara yüksələrək 850,7 milyard dollarlıq müdafiə xərclərini ötüb. Bu göstərici təxminən bir əsrdən sonra ilk dəfə baş verir.
Proqnozlara əsasən, faiz ödənişləri 2036-cı ilə qədər 2,1 trilyon dollara qədər yüksələ bilər. Bu isə müdafiə xərclərindən təxminən iki dəfə çox deməkdir.
İqtisadçılar bildirirlər ki, bu artım əsasən dövlət borcunun böyüməsi və faiz dərəcələrinin yüksəlməsi ilə bağlıdır. Xüsusilə son illərdə artan borclanma və daha sərt monetar siyasət borc xidmətinin büdcədə payını sürətlə artırıb.
Məlumata görə 1990-cı illərin sonlarında müdafiə xərcləri faiz ödənişlərini əhəmiyyətli dərəcədə üstələsə də, son onilliklərdə bu fərq tədricən azalıb. COVID-19 pandemiyasından sonra isə borclanmanın artması bu balansı dəyişib.
Analitiklər qeyd edirlər ki, faiz ödənişlərinin sürətli artımı gələcəkdə ABŞ büdcəsində müdafiə, infrastruktur və elmi tədqiqatlar kimi sahələr üçün maliyyə imkanlarını məhdudlaşdıra bilər.
MONETAR.AZ
