2026-cı ilin yanvar-sentyabr aylarında Azərbaycanda rezin və plastik kütlə məmulatlarının istehsalı illik müqayisədə 8,5 faiz artıb.
Monetar.az Dövlət Statistika Komitəsinin verdiyi hesabata istinadən bildirir ki, məhsul növləri üzrə məsaməli plastik kütlədən hazırlanan digər plastin və lövhələrin istehsalı 21 faiz, polietilendən kisə və çantaların istehsalı 20,5 faiz, sərt plastmasdan borular, borucuqlar, qolçaqlar və şlanqların istehsalı isə 6,4 faiz yüksəlib.
Statistik göstəricilərə əsasən, rezin və plastik kütlə məmulatlarının istehsalı üzrə artım 2026-cı ilin yanvar-sentyabr aylarında da davam edib. Müqayisə üçün qeyd edək ki, 2025-ci ilin eyni dövründə bu sahədə istehsal 9,7 faiz artmışdı.
