2026-cı ildə Azərbaycanın real ÜDM artımının 2,2% olacağı gözlənilir. Bu göstərici 2025-ci ildə qeydə alınmış 1,4%-lik artımla müqayisədə daha yüksəkdir.
Bu barədə Beynəlxalq Valyuta Fondunun (BVF) hesabatında bildirilir. Proqnoza görə, 2027-ci ildə ölkə iqtisadiyyatının artım tempi daha da sürətlənərək 2,5%-ə çatacaq.
Rəsmi statistikaya əsasən, 2025-ci ildə Azərbaycanda ümumi daxili məhsulun həcmi 129,1 milyard manat təşkil edib ki, bu da əvvəlki illə müqayisədə 1,4% çoxdur.
Sektorlar üzrə nəticələr fərqlidir:
- neft-qaz sektorunda əlavə dəyər 1,6% azalıb;
- qeyri-neft-qaz sektorunda isə 2,7% artım qeydə alınıb.
ÜDM-in strukturu belə formalaşıb:
- 33,0% — sənaye
- 11,3% — ticarət və nəqliyyat vasitələrinin təmiri
- 7,1% — nəqliyyat və anbar təsərrüfatı
- 6,5% — tikinti
- 5,9% — kənd təsərrüfatı, meşə və balıqçılıq
- 2,8% — turizm və ictimai iaşə
- 2,1% — informasiya və rabitə
- 21,7% — digər sahələr
Məhsul və idxal üzrə xalis vergilərin payı 9,6% təşkil edib.
Adambaşına düşən ÜDM isə 12 602,2 manat səviyyəsində olub.
