Avropa Mərkəzi Bankının (ECB) prezidenti Kristin Laqard bildirib ki, İran müharibəsi fonunda avrozona iqtisadiyyatı artıq bankın əsas (baza) ssenarisindən uzaqlaşıb, lakin bu dəyişiklik hələlik faiz dərəcələrinin artırılmasını zəruri edəcək səviyyədə deyil.
Vaşinqtonda keçirilən Beynəlxalq Valyuta Fondunun yaz toplantıları çərçivəsində Bloomberg Television-a müsahibə verən Laqard qeyd edib ki, hazırda iqtisadi vəziyyət baza və mənfi ssenarilər arasında yerləşir.
Onun sözlərinə görə, ECB-nin pul-kredit siyasətini sərtləşdirmək niyyəti yoxdur. Bankın əsas istiqaməti maliyyə sabitliyinə əsaslanan qiymət sabitliyinin qorunmasıdır.
ECB Yaxın Şərqdə təxminən 6,5 həftə davam edən hərbi əməliyyatların nəticələrini qiymətləndirir. Bu hadisələr enerji qiymətlərinin kəskin artmasına və iqtisadi gözləntilərin pisləşməsinə səbəb olub.
Laqard vurğulayıb ki, bank qərar vermək üçün məlumatlara əsaslanacaq, lakin zərurət yaranarsa, operativ addımlar atmaqdan çəkinməyəcək. Onun fikrincə, vəziyyətin qısa müddətli olub-olmayacağını müəyyən etmək üçün əlavə təhlilə ehtiyac var, lakin əvvəlki şəraitə tam qayıdış ehtimalı aşağı qiymətləndirilir.
MONETAR.AZ
