Fitch Ratings 2026-cı ildə dünya iqtisadiyyatının artımı ilə bağlı proqnozunu 0,2 faiz bəndi yüksəldərək 2,6 faizə çatdırıb.
Monetar.az xəbər verir ki, bu barədə Fitch Ratings-in son qlobal iqtisadi proqnozlar hesabatında bildirilib.
Agentliyin qiymətləndirməsinə görə, dünya iqtisadiyyatı enerji bazarındakı şoka baxmayaraq dayanıqlılıq nümayiş etdirir. Bununla belə, real faiz dərəcələrinin yüksəlməsi iqtisadi aktivlik üçün əsas risklərdən biri olaraq qalır.
Fitch-in 2026-cı il üzrə qlobal iqtisadi artım proqnozu 2,6 faiz təşkil edir. Bu göstərici 2025-ci il üçün gözlənilən artımdan cüzi aşağıdır və uzunmüddətli orta göstəriciyə yaxındır.
ABŞ iqtisadiyyatı üzrə proqnoz da yüksəldilib. Fitch 2026 və 2027-ci illər üçün ABŞ iqtisadiyyatının artım gözləntisini 0,2 faiz bəndi artıraraq 2,1 faizə çatdırıb.
Agentlik bunu istehlakın və süni intellekt sahəsinə kapital qoyuluşlarının daha yüksək olması ilə əlaqələndirib.
