Azərbaycanda 2026-cı ilin yanvar-sentyabr aylarında işğaldan azad edilmiş ərazilərin yenidən qurulması və bərpası üçün 1 milyard 761,4 milyon manat vəsait istifadə olunub.
Monetar.az xəbər verir ki, bu barədə Maliyyə Nazirliyinin dövlət büdcəsinin icrasına dair operativ məlumatında bildirilir.
Həmin vəsaitin 891,8 milyon manatı su təsərrüfatı, meliorasiya, istilik təchizatı, nəqliyyat və kommunal infrastrukturun tikintisi və yenidən qurulmasına yönəldilib. Təhsil, səhiyyə və mədəniyyət təyinatlı layihələrin maliyyələşdirilməsinə 692,5 milyon manat ayrılıb.
Müdafiə, hüquq-mühafizə və digər təyinatlı obyektlərin tikintisi və təmiri üzrə xərclər 177,1 milyon manat təşkil edib.
Beləliklə, bərpa və yenidənqurma üçün istifadə olunan vəsaitin əsas hissəsi infrastruktur layihələrinə yönəldilib. Sosial təyinatlı layihələr də bu xərclərdə əhəmiyyətli paya malik olub.
