Azərbaycan Respublikasının Mərkəzi Bankı bank olmayan kredit təşkilatlarına nəzarət tədbirləri çərçivəsində növbəti qərar qəbul edib. Məlumata görə, E-Kredit Bank olmayan kredit təşkilatı MMC-yə verilmiş lisenziya təşkilatın könüllü müraciəti əsasında ləğv olunub.
Qərar Mərkəzi Bankın İdarə Heyətinin 13 may 2026-cı il tarixli iclasında qəbul edilib. Bununla, şirkətə 24 iyul 2024-cü il tarixində təqdim edilmiş BKT-48 nömrəli lisenziyanın fəaliyyəti dayandırılıb. Mərkəzi Bank bildirib ki, qərar “Bank olmayan kredit təşkilatları haqqında” qanunun 25.1.1-ci maddəsinə uyğun olaraq qəbul edilib.
Qanunvericiliyə əsasən, lisenziyanın ləğvi barədə qərar qüvvəyə mindiyi andan etibarən bank olmayan kredit təşkilatı fəaliyyətini dayandırır və Azərbaycan Respublikasının Mülki Məcəlləsinə uyğun qaydada ləğv edilir. Mərkəzi Bank qeyd edib ki, qərar mövcud qanunvericilik və “2024–2026-cı illərdə maliyyə sektorunun inkişafı Strategiyası” çərçivəsində maliyyə sektorunda nəzarət mexanizmlərinin gücləndirilməsi istiqamətində həyata keçirilən tədbirlərin davamıdır.
MONETAR.AZ
