Yeni tədris ilinin başlaması ilə əlaqədar paytaxt yollarında nəqliyyatın hərəkət intensivliyinin artırılması məqsədilə səhər saatlarından etibarən Bakının 18 küçə və prospektində “Yaşıl dalğa” rejimi tətbiq olunur.
Nəqliyyatı İntellektual İdarəetmə Mərkəzindən (NİİM) AZƏRTAC-a bildirilib ki, Daxili İşlər Nazirliyinin NİİM və yol polisi əməkdaşları ilə birgə paytaxt yollarında hərəkəti nəzarətdə saxlanılır. Süni sıxlığın yaranmasına səbəb olan hallar müəyyən edildikdə, onların aradan qaldırılması üçün operativ tədbirlər görülür.
“Yaşıl dalğa” rejiminin tətbiq olunduğu küçə və prospektlər aşağıdakılardır:
- Rəşid Behbudov küçəsi
- Mikayıl Müşfiq küçəsi
- 28 May küçəsi
- Bülbül prospekti
- Yusif Səfərov küçəsi
- Məhəmməd Füzuli küçəsi
- Akademik Həsən Əliyev küçəsi
- Əhməd bəy Ağaoğlu küçəsi
- Şah İsmayıl Xətai prospekti
- Fətəli xan Xoyski prospekti
- Atatürk prospekti
- Üzeyir Hacıbəyli küçəsi
- Azadlıq prospekti
- Əbdüləzəl Dəmirçizadə küçəsi
- Əsəd Əhmədov küçəsi
- Abbas Mirzə Şərifzadə küçəsi
- Qara Qarayev prospekti
- 8 Noyabr prospekti
