Polaroid şirkəti dörd xüsusi çəkiliş rejiminə malik Mod adlı yeni analoq anında foto çəkən kamerasını təqdim edib. İstehsalçının rəsmi saytında cihazın satışına sentyabrın 29-da başlanılıb.
Kameranın qiyməti ABŞ bazarında 169,99 dollar, Avropada isə 169,99 avro təşkil edir.
Çəkiliş rejimləri kameranın korpusunda yerləşən fiziki disk vasitəsilə dəyişdirilir. Mod modelində istifadəçiyə dörd xüsusi rejim təqdim olunur:
- Double Exposure (Cüt ekspozisiya) – iki təsviri bir kadrda üst-üstə yerləşdirməyə imkan verir.
- Split Shot – xüsusi aksesuar vasitəsilə müxtəlif kadrların iki hissəsini birləşdirir.
- Motion Freeze – hərəkəti fiksasiya edir və ekspozisiyanın sonunda flaşı işə salır.
- Light Painting (İşıqla çəkiliş) – işıq izləri və müxtəlif naxışlar yaratmaq üçün uzun ekspozisiyadan istifadə edir.
Kamera ABŞ-da bəzi pərakəndə satış məntəqələrində 6 oktyabrdan satışa çıxarılacaq. Məhsulun beynəlxalq pərakəndə satış şəbəkələrində daha geniş təqdimatı isə 2027-ci ilin əvvəlində planlaşdırılır.
MONETAR.AZ
