2026-2031-ci illərdə 30 milyon dollardan çox sərvətə malik şəxslərin sayının ən sürətlə İndoneziyada artacağı proqnozlaşdırılır. Ölkədə ultra varlı şəxslərin sayının 81,7% artacağı gözlənilir.
Monetar.az xəbər verir ki,2026-cı ildə ən azı 500 ultra yüksək sərvətli şəxsin yaşadığı ölkələr arasında növbəti beş il üzrə ən yüksək artım İndoneziyada qeydə alınacaq.
Ultra varlı əhalinin artımı üzrə ilk 10 ölkə:
-
İndoneziya – 81,7%
-
Səudiyyə Ərəbistanı – 63,2%
-
Polşa – 62,6%
-
Vyetnam – 59,0%
-
Avstraliya – 58,5%
-
İsveç – 55,3%
-
ABŞ – 54,1%
-
Rumıniya – 49,5%
-
Filippin – 48,9%
-
Sinqapur – 46,4%
İndoneziyada 280 milyondan çox əhalinin olması ölkəyə böyük daxili bazar qazandırır. Əmtəə sektorundan rəqəmsal maliyyəyə qədər müxtəlif sahələrdə bizneslərin inkişafının sərvət artımına təsir etdiyi bildirilir.
Səudiyyə Ərəbistanı və Polşada isə ultra varlı şəxslərin sayının müvafiq olaraq 63,2% və 62,6% artacağı proqnozlaşdırılır.
Cənub-Şərqi Asiya da siyahıda diqqət çəkir. İlk 10-luqda İndoneziya, Vyetnam, Filippin və Sinqapur olmaqla regionun 4 ölkəsi yer alır.
Bu dörd ölkə və Tailand üzrə 30 milyon dollardan çox sərvətə malik şəxslərin ümumi sayının 2026-cı ildə 14 mindən çox olduğu halda, 2031-ci ildə 22 mini keçəcəyi gözlənilir.
Qeyd edək ki, İndoneziya, Səudiyyə Ərəbistanı və Polşada ultra varlı şəxslərin sayı ilkin mərhələdə nisbətən az olduğundan, faiz ifadəsində artım göstəricilərinin daha yüksək olması mümkündür.
