Milli və qlobal texnologiya insayderləri arasında böyük nüfuza malik olan analitik Min-Çi Ko (Ming-Chi Kuo), Apple-ın uzunmüddətli smartfon strategiyasına dair növbəti sensor hesabatını paylaşıb. Məlumata görə, texnologiya nəhəngi artıq 2028-ci ilin payızında təqdim ediləcək iPhone 21 modeli (və xüsusilə ultra-genişbucaqlı kamera modulu) üzərində mühüm mühəndislik işlərinə başlayıb.
Bu modelin əsas hədəfi hazırkı iPhone kameralarının qarşısında duran ən böyük texniki maneəni — qızma problemini aradan qaldırmaqdır.
Hazırda Apple öz smartfonlarının kameralarında “Flip-Chip” texnologiyasından istifadə edir. Bu sistemdə sensor tərs çevrilərək birbaşa əsas plataya birləşdirilir ki, bu da cihazın daha nazik olmasına şərait yaradır. Lakin sensorun bu cür yerləşməsi istiliyin kənara ötürülməsini (disipasiyasını) son dərəcə çətinləşdirir.
Min-Çi Konun sızdırdığı məlumata görə, iPhone 21 ilə birlikdə Apple tamamilə yeni bir arxitekturaya keçid edəcək. Yeni texnologiya çiplərin və kamera sensorunun üzü yuxarı (düzünə) yerləşdirilməsini nəzərdə tutur. Əvvəlki lehimli kontakt nöqtələri əvəzinə, komponentlər xüsusi naqil birləşmələri (wire bonding) vasitəsilə qoşulacaq. Naqilli birləşmələr həm linzaların sensorla milimetrin mində biri dəqiqliyində düzlənməsini təmin edir, həm də moduldakı istiliyin sürətlə yayılmasına şərait yaradır.
Hazırda iPhone modellərində kameraların 48 MP təsvir ölçüsü ilə məhdudlaşmasının əsas səbəbi proqram təminatı yox, məhz bu aparat daxili qızma riskidir. Çünki daha yüksək meqapiksel və irihəcmli video datası prosessoru və sensoru normadan artıq yükləyir.
COB texnologiyasının gətirəcəyi effektiv soyutma sayəsində Apple tarixində ilk dəfə olaraq ultra-genişbucaqlı kamerada 200 meqapiksellik sensorlardan istifadə etmək mümkün olacaq. Eyni zamanda cihaz rəsmi olaraq 8K keyfiyyətində video çəkiliş dəstəyi qazanacaq.
Gələcək texnologiyalar müzakirə olunarkən, Stuff portalı Apple tarixinin ən uğurlu cihazlarının reytinqini yeniləyib və iPhone 5 modelini brendin "qızıl standartı" adlandırıb. Ekspertlər buna əsas səbəb kimi aşağıdakı inqilabi addımları göstərirlər:
-
Dizayn Təkamülü: Tamamilə alüminium və şüşədən ibarət olan incə, yüngül korpus dizayn dili formalaşdırdı.
-
Ekran və LTE: Cihaz həm vizual keyfiyyəti dəyişən Retina displey ilə gəldi, həm də mobil internetin sürətini tamamilə başqa mərhələyə daşıyan LTE (4G) şəbəkəsini dəstəkləyən ilk iPhone oldu.
MONETAR.AZ
