2026-cı il iyunun 1-nə olan məlumata əsasən, ölkədə yazlıq kənd təsərrüfatı bitkilərinin əkini əsasən başa çatıb və ümumilikdə 359,3 min hektar sahəni əhatə edib. Bu göstərici 2025-ci ilin müvafiq dövrü ilə müqayisədə 2,8 faiz azalma deməkdir.
Statistik dinamika ayrı-ayrı bitki qrupları üzrə fərqli tendensiyalarla müşahidə olunur. Dənli və dənli paxlalı bitkilərin əkini 69,8 min hektar olub və ötən illə müqayisədə 4,4 faiz azalıb. Texniki bitkilər üzrə 113,3 min hektar sahədə əkin aparılıb və 7,9 faiz azalma qeydə alınıb.
Kartof əkini 44,2 min hektar təşkil edib və 1,3 faiz azalıb. Tərəvəz bitkiləri 56,8 min hektar sahədə əkilib və 4,1 faiz azalma ilə müşahidə olunub. Bostan bitkiləri isə 15,8 min hektar sahəni əhatə edib və 8,5 faiz azalıb.
Bununla yanaşı, yemlik bitkilər üzrə kəskin artım qeydə alınıb. Bu qrup üzrə əkin sahəsi 58,6 min hektara yüksələrək ötən ilin eyni dövrü ilə müqayisədə 13,4 faiz artıb. Sair yazlıq bitkilərdə də artım müşahidə olunub – 750,1 hektar sahə üzrə 2,4 faiz artım qeydə alınıb.
Yaz-tarla işləri ilə yanaşı kənd təsərrüfatı məhsullarının yığımına da başlanılmışdır və iyun ayının 1-nə kimi tarlalardan 443,6 min ton və ya keçən ilin müvafiq dövrünə nisbətən 1,5 faiz çox tərəvəz, 168,9 min ton (0,1 faiz çox) kartof, 54,0 min ton (55,4 faiz çox) meyvə və giləmeyvə, 30,6 min ton (69,1 faiz az)
dənli və dənli paxlalı bitkilər, 556,0 ton (11,5 faiz çox) yaşıl çay yarpağı yığılmışdır.
MONETAR.AZ
