Dünya əmtəə bazarlarında gün ərzində əsas məhsulların əksəriyyətinin qiymətində artım qeydə alınıb. Xüsusilə platin, pambıq və gümüşün qiymətində nəzərəçarpacaq yüksəliş müşahidə olunub.
Əmtəə bazarında kənd təsərrüfatı məhsulları arasında ən böyük artım pambığın qiymətində olub. Gün ərzində pambıq 3,63 faiz bahalaşıb.
Palma yağının qiyməti 2,92 faiz, buğdanın qiyməti isə 2,26 faiz artıb. Qəhvənin qiymətində isə 1,29 faiz azalma qeydə alınıb.
Metallar bazarında da əsas məhsulların qiymətində artım müşahidə olunub.
Platin 4,42 faiz, gümüş 3,67 faiz, qızıl isə 3,45 faiz bahalaşıb. Litium karbonatın qiyməti isə 1,21 faiz aşağı düşüb.
Enerji məhsulları arasında da qiymətlər əsasən yüksəlib.
Metanolun qiyməti 2,48 faiz, WTI markalı neft 1,59 faiz, təbii qaz 1,53 faiz bahalaşıb. Brent markalı neftin qiymətində isə 1,01 faizlik artım qeydə alınıb.
Bunun əksinə, benzinin qiyməti 0,91 faiz, Almaniyada təbii qazın qiyməti isə 0,52 faiz azalıb.
MONETAR.AZ
