Mis qiymətləri ABŞ-da inflyasiyanın yüksək qalması və Federal Ehtiyat Sisteminin (FED) faiz dərəcələrini artırmaq ehtimalının güclənməsi fonunda ardıcıl üçüncü gündür ucuzlaşır.
Monetar.az xəbər verir ki, sentyabrda ABŞ-da illik inflyasiya 3,7%-ə yüksəlib. Bu, son 5 ayın ən yüksək göstəricisidir.
İnflyasiyanın yüksək olması FED-in yaxın aylarda faiz dərəcələrini artırmaq ehtimalını gücləndirir. Bu isə iqtisadi fəallığı və metallara tələbatı zəiflədə, istehsal xərclərini artıra bilər.
London Metal Birjasında misin bir tonunun qiyməti 1,1% azalaraq 14 338 dollara düşüb. Digər bazar göstəricilərində də ucuzlaşma qeydə alınıb.
