Dünyada milyarderlərin sayı artmaqda davam edir. “Forbes”in məlumatına görə, son bir il ərzində dünyada 390 yeni milyarder ortaya çıxıb. Onların arasında bir sıra tanınmış simalar da yer alır.
2026-cı ildə milyarder statusu qazanan məşhurlar sırasında musiqiçilər, kinorejissor, tennis əfsanəsi və dünyanın ən varlı insanının qardaşı da var.
İsveçrəli Rocer Federer – 1 milyard dollar
İsveçrəli tennisçi Rocer Federer peşəkar idman karyerasını başa vurduqdan sonra sponsorluq müqavilələri və investisiyalar hesabına sərvətini artırıb. “Forbes” onun sərvətini 1 milyard dollar olaraq qiymətləndirir. Federer karyerası ərzində 20 “Grand Slam” turnirinin qalibi olub və tennis tarixinin ən uğurlu idmançılarından biri hesab edilir.
Dr. Dre – 1 milyard dollar
Amerikalı reper və prodüser Dr. Dre musiqi sənayesindəki fəaliyyəti və “Beats Electronics” şirkətinin “Apple” tərəfindən alınmasından əldə etdiyi gəlirlər hesabına milyarder olub. O, hip-hop musiqisinin ən təsirli nümayəndələrindən biri sayılır.
Beyons – 1 milyard dollar
Dünya şöhrətli pop ifaçısı Beyons uzun illər davam edən musiqi karyerası, konsert turları və biznes layihələri hesabına 1 milyard dollarlıq sərvətə çatıb. O, “Grammy” mükafatlarının ən çox sahib olduğu ifaçılardan biridir.
Ceyms Kemeron – 1,1 milyard dollar
Məşhur rejissor Ceyms Kemeron “Titanik” və “Avatar” kimi kino tarixinin ən çox gəlir gətirən filmlərinin müəllifidir. Onun filmləri dünya üzrə milyardlarla dollar gəlir əldə edib və Kemeron kino sənayesinin ən uğurlu rejissorlarından biri hesab olunur.
Kimball Mask – 1,4 milyard dollar
İlon Maskın qardaşı Kimball Mask “Tesla” və “SpaceX” şirkətlərindəki payları hesabına milyarder statusu qazanıb. O, həmçinin uzun illər “Tesla”nın direktorlar şurasında təmsil olunub və şirkətin inkişafında iştirak edib.
Mütəxəssislərin fikrincə, məşhurların milyarder siyahısına daxil olması əsasən uzunmüddətli biznes fəaliyyəti, investisiyalar və güclü brend dəyəri ilə bağlıdır.
MONETAR.AZ
