ABŞ-da artan yaşayış xərcləri və qarşıdan gələn Konqresə aralıq seçkiləri ərəfəsində daxili siyasi gərginlik pik həddə çatır. ABŞ Prezidenti Donald Tramp bazar ertəsi axşam sosial şəbəkə hesabı vasitəsilə yanacaqdoldurma məntəqələrinə (YDM) kəskin xəbərdarlıq edərək, benzinin pərakəndə satış qiymətlərinin DƏRHAL endirilməsini tələb edib.
Prezident qlobal xam neft qiymətlərinin kəskin ucuzlaşmasına rəğmən, pərakəndə satıcıların qiymətləri süni şəkildə yuxarı saxladığını idarə edərək, əks təqdirdə onları "böyük problemlər" gözlədiyini bəyan edib.
Bir tərəfdən xam neft qiymətlərinin düşməsi, digər tərəfdən isə YDM-lərdə pərakəndə qiymətlərin yüksək qalması "raket və lələk" (rockets and feathers) iqtisadi effektinin klassik nümunəsidir: Neft bahalaşanda benzin qiymətləri raket kimi sürətlə qalxır, neft ucuzlaşanda isə benzin qiymətləri lələk kimi çox yavaş enir.
Donald Trampın Ədliyyə Nazirliyini prosesə cəlb etməsi və sosial şəbəkə üzərindən birbaşa satıcıları hədəf alması sərbəst bazar qaydalarına zidd görünsə də, sırf noyabr seçkiləri ərəfəsində seçicilərin ən çox həssas olduğu inflyasiya (yanacaq) bəndini qapatmağa yönəlmiş siyasi gedişdir. Hökumətin bu sərt ritorikası və yaxın günlərdə gözlənilən yeni İran danışıqları fonunda, benzin fyuçerslərinin yaxın həftələrdə barel və qallon bazlı olaraq $2.60-$2.70 dəhlizinə qədər sıxışacağı proqnozlaşdırılır.
MONETAR.AZ
