Poçt xidmətlərinin strukturunda da ciddi dəyişiklik baş verir. Ənənəvi məktublaşma həcmi son illərdə davamlı azalıb. Dövlət Statistika Komitəsinin məlumatına görə 2021-ci ildə 6,9 milyon məktub göndərildiyi halda, 2025-ci ildə bu rəqəm 5,7 milyon olub. Beləliklə, məktub göndərişlərinin sayı təxminən 17,4 faiz azalıb.
Qəzet və jurnalların poçt vasitəsilə göndərilməsi daha kəskin azalıb. 2021-ci ildə 0,7 milyon nüsxə qəzet və jurnal göndərildiyi halda, 2025-ci ildə bu göstərici 0,4 milyon nüsxəyə düşüb.
Ənənəvi poçt xidmətlərinin azalmasına baxmayaraq, bağlama göndərişlərində fərqli mənzərə yaranıb. 2021-ci ildə poçt vasitəsilə 555,3 min bağlama göndərildiyi halda, 2025-ci ildə bu rəqəm 398,5 min təşkil edib. Bu, beş il ərzində 28,2 faizlik azalma deməkdir.
Lakin bağlama göndərişləri üzrə dinamika sabit olmayıb. 2022-ci ildə göstərici 419,4 minə, 2023-cü ildə 484,6 minə yüksəlib, 2024-cü ildə 362,9 minə düşüb və 2025-ci ildə yenidən 398,5 minə çatıb.
Poçt vasitəsilə pul baratları və pensiya ödənişlərinin sayı isə daha sürətlə azalıb. 2021-ci ildə 1,8 milyon belə ödəniş həyata keçirildiyi halda, 2025-ci ildə bu göstərici 0,5 milyona düşüb. 5 il ərzində azalma təxminən 72 faiz təşkil edib.
Teleqram xidmətləri də faktiki olaraq əvvəlki əhəmiyyətini itirib. 2021–2024-cü illərdə 200 min səviyyəsində olan teleqramların sayı 2025-ci ildə 100 minə enib.
MONETAR.AZ
