Rusiya, Çin və ABŞ-dan enerji bazarına təsir edəcək BƏYANNAMƏ

Rusiya, Çin və ABŞ-dan enerji bazarına təsir edəcək
Rusiya, Çin və ABŞ emal olunmuş neft məhsullarının istehsalını və tədarükünü artırmaq barədə razılığa gəliblər.

Monetar.az xəbər verir ki, bu barədə Rusiya Prezidenti Vladimir Putin, Çin Xalq Respublikasının Sədri Si Cinpin və ABŞ Prezidenti Donald Trampın 19 noyabr 2026-cı ildə Çinin Şençjen şəhərində keçirilən üçtərəfli görüşündən sonra qəbul edilmiş Sülh haqqında Bəyannamədə bildirilib.

Kremlin dərc etdiyi sənəddə qeyd olunub ki, üç dövlət bütün ölkələrin rifahı naminə neft məhsullarının istehsalının və tədarükünün artırılmasını planlaşdırır.

Bəyannamədə enerji təchizatının sabitliyinin vacibliyi xüsusi vurğulanıb.

Bundan başqa, üç ölkənin liderləri beynəlxalq təhlükəsizlik və strateji sabitliyin qorunmasına sadiq olduqlarını bəyan ediblər.

Sənəddə nüvə müharibəsinin qazanıla bilməyəcəyi və heç vaxt aparılmamalı olduğu bir daha təsdiqlənib. Tərəflər nüvə risklərinin azaldılması və nüvə silahlarının yayılmasının qarşısının alınması istiqamətində dialoq aparmaq barədə razılığa gəliblər.

Bəyannamədə BMT Təhlükəsizlik Şurasının islahatı, dövlətlərin suverenliyinə və rəsmi şəxslərin toxunulmazlığına hörmət məsələləri də əksini tapıb.

Qeyd edək ki, üçtərəfli sammit Çinin Şençjen şəhərində keçirilib. Rusiya və ABŞ prezidentləri görüşün təşkilinə və ev sahibliyinə görə Çin tərəfinə təşəkkür ediblər.