Azərbaycanda pambıq yığımı ötən ilin eyni dövrü ilə müqayisədə kəskin azalıb.
Monetar.az xəbər verir ki, Dövlət Statistika Komitəsinin məlumatına əsasən, 2026-cı il noyabrın 1-dək ölkədə 154,2 min ton pambıq yığılıb.
Bu, ötən ilin müvafiq dövrü ilə müqayisədə 31,6% azdır.
Müqayisə üçün qeyd edək ki, digər kənd təsərrüfatı məhsulları üzrə fərqli dinamika müşahidə olunub.
Belə ki, dənli və dənli paxlalı bitkilərin yığımı 7,2%, meyvə və giləmeyvə istehsalı 9,5%, şəkər çuğunduru istehsalı isə 16,6% artıb.
Tərəvəz istehsalı 3,9%, üzüm yığımı 8,8% azalıb.
Pambıq istehsalındakı geriləmə bu sahənin emal sənayesi, tekstil müəssisələri və ixrac potensialı baxımından əhəmiyyətini yenidən gündəmə gətirir.
Xüsusilə yerli pambıq xammalının azalması tekstil sənayesində xammal təminatı məsələsinə təsir göstərə bilər.