Azərbaycanda regionlar üzrə cəlb olunmuş əmanətlərin böyük hissəsi paytaxtın payına düşür. Monetar.az Azərbaycan Mərkəzi Bankına istinadən xəbər verir ki, 30 sentyabr 2026-cı il tarixinə ölkə üzrə əmanətlərin ümumi həcmi 18 milyard 840,2 milyon manat təşkil edib.
Məlumata görə, Bakı iqtisadi rayonunda cəlb olunmuş əmanətlərin həcmi 16 milyard 579,2 milyon manata çatıb. Bu, ölkə üzrə ümumi əmanətlərin təxminən 88%-i deməkdir.
Paytaxtdan sonra ən böyük göstərici Abşeron-Xızı iqtisadi rayonunda qeydə alınıb. Burada əmanətlərin həcmi 697,7 milyon manat təşkil edib. Gəncə-Daşkəsən iqtisadi rayonunda bu rəqəm 304,8 milyon manat olub.
Quba-Xaçmaz iqtisadi rayonunda əmanətlərin həcmi 183,6 milyon manat, Lənkəran-Astara iqtisadi rayonunda 171,6 milyon manat, Şəki-Zaqatala iqtisadi rayonunda isə 170,9 milyon manat təşkil edib.
Ən aşağı göstərici Şərqi Zəngəzur iqtisadi rayonunda qeydə alınıb. Burada cəlb olunmuş əmanətlərin həcmi cəmi 1,4 milyon manat olub. Mil-Muğan iqtisadi rayonunda bu göstərici 56,2 milyon manat, Dağlıq Şirvan iqtisadi rayonunda isə 61,8 milyon manat təşkil edib.
Beləliklə, regionlar üzrə əmanətlərin bölgüsündə paytaxtın üstünlüyü aydın görünür. Bakıdakı əmanətlərin həcmi digər iqtisadi rayonların hər birinin göstəricisini əhəmiyyətli dərəcədə üstələyir.
