Bakıda qarşıdakı həftəsonu təmir işləri ilə əlaqədar iki küçə və bir prospektdə nəqliyyatın hərəkəti müvəqqəti məhdudlaşdırılacaq.
Azərbaycan Avtomobil Yolları Dövlət Agentliyinin məlumatına görə, asfalt-beton örtüyünün yenilənməsi aşağıdakı ərazilərdə aparılacaq:
- Səməd Vurğun küçəsi (Salatın Əsgərova və Füzuli küçələri arasında)
- Rəşid Behbudov küçəsi (28 May və Şəmsi Bədəlbəyli küçələri arasında)
- Heydər Əliyev prospekti (Müzəffər Nərimanov və Ələsgər Qayıbov küçələri arasında, şəhər istiqamətində – əsas və köməkçi yollar)
Təmir işləri aprelin 24-ü saat 23:00-da başlayacaq və aprelin 26-sı saat 07:00-dək davam edəcəyi gözlənilir. Rəşid Behbudov küçəsində isə hazırlıq mərhələsi daha erkən başlayacaq.
Agentlik bildirib ki, işlərin mərhələlərinə uyğun olaraq qeyd olunan ərazilərdə nəqliyyatın hərəkəti qismən və ya tam məhdudlaşdırılacaq.
