Honor öz smartfonlarının batareyalarını rəqiblərlə müqayisə etmək üçün maraqlı eksperiment təşkil edib. Test Honor 600 seriyasının təqdimatına həsr olunub və model artıq Avropada satışa çıxarılıb.
Eksperiment zamanı mühəndislər 7000 mA·s tutumlu batareyanı Honor 600 modelindən çıxararaq kiçik radioidarəli maşına qoşublar. Eyni qaydada 4252 mA·s tutumlu iPhone 17 Pro və 4300 mA·s batareyaya malik Samsung Galaxy S26 modellərinin akkumulyatorları da sınaqdan keçirilib.
Hər üç enerji mənbəyi növbə ilə trasda yoxlanılıb ki, hansının daha uzun müddət işlədiyi müəyyən edilsin.
Gözlənildiyi kimi, daha böyük tutuma görə ən yaxşı nəticəni Honor 600 batareyası göstərib. Şirkətin paylaşdığı videoda rəqiblərə yumorla yanaşılaraq iPhone 17 Pro “ilk sıradan çıxan”, Samsung Galaxy S26 isə “dözümlü rəqib” kimi təqdim olunub.
MONETAR.AZ
