Azərbaycanda müəllimlərin işə qəbulu (MİQ) prosesi ilə bağlı mühüm qərar qəbul edilib. Baş nazir Əli Əsədov tərəfindən imzalanan sənədə əsasən, müsabiqədə iştirak etmək istəyən namizədlər üçün ödəniş məbləği rəsmi şəkildə müəyyənləşdirilib.
Qərara əsasən, MİQ müsabiqəsində iştirak haqqı 60 manat təsdiq edilib. Bu ödəniş imtahan prosesində iştirak edən namizədlər üçün məcburi olacaq. İndiyədək bu məbləğ 40 manat təşkil edirdi.
Nazirlər Kabinetinin təsdiqlədiyi yeni qaydaya görə, ödəniş müəllimlərin işə qəbulu prosesinin təşkili ilə bağlı xərclərin qarşılanmasına yönəlib. Buraya imtahanların keçirilməsi, texniki təminat, qiymətləndirmə mexanizmləri və inzibati xərclər daxildir.
Yeni qərar 24 aprel 2026-cı il tarixindən qüvvəyə minib.
Bu dəyişiklik MİQ müsabiqəsində iştirak etmək istəyən şəxslər üçün əlavə maliyyə öhdəliyi yaradır. Namizədlər artıq qeydiyyat zamanı müəyyən olunmuş 60 manat məbləği ödəməlidirlər.
MONETAR.AZ
