Oktyabrın 20-də Bakı Olimpiya Stadionunda keçiriləcək UEFA Çempionlar Liqasının oyunu ilə əlaqədar Bakı metropolitenində xüsusi iş rejimi tətbiq ediləcək.
“Bakı Metropoliteni” QSC-dən bildirilib ki, stadionun yaxınlığında yerləşən “Koroğlu” stansiyasına əlavə işçi qüvvəsi cəlb olunacaq və sərnişin axınına nəzarət gücləndiriləcək. Ehtiyat qatarlar zərurət yarandıqda xəttə buraxılmaq üçün hazır vəziyyətdə saxlanılacaq.
Məlumata görə, “yaşıl” və “bənövşəyi” xətlər üzrə qatarların hərəkət qrafikində dəyişiklik edilməyəcək.
Qeyd edək ki, “Sabah”ın UEFA Çempionlar Liqasının Liqa mərhələsində Dortmund “Borussiya”sına qarşı oyunu bu gün Bakı vaxtı ilə saat 20:45-də başlayacaq.
