Yaxın Şərqdə davam edən müharibənin turizm sektoruna təsiri bütün regiona yayılıb. 2026-cı ildə beynəlxalq turistlərdən əldə olunan hotel gəlirlərinin region ölkələrinin böyük hissəsində 20 %-dən çox azalacağı gözlənilir.
Monetar.az xəbər verir ki, Statista Market Insightsın hesablamalarına əsasən, İran, İsrail və Livanda təhlükəsizlik vəziyyətinə görə beynəlxalq turistlərin sayında ciddi azalma qeydə alınır.
Müharibənin təsirinin digər ölkələrə də yayıldığı bildirilir. Oman və İraq istisna olmaqla, Yaxın Şərqin bütün ölkələrində beynəlxalq turistlərdən əldə olunan hotel gəlirlərinin 20%-dən çox azalacağı proqnozlaşdırılır.
Regionun ən böyük turizm bazarları olan Səudiyyə Ərəbistanı, Qətər və Birləşmiş Ərəb Əmirliklərində hotel gəlirlərinin 26-32% arasında azalacağı gözlənilir.
Statista bildirir ki, uçuşlarda yaranan fasilələr və təhlükəsizliklə bağlı narahatlıqlar xarici turistlərin regiona səfərlərinə mənfi təsir göstərir.
