Süni intellekt texnologiyalarına artan tələbat qlobal çip və hesablama infrastrukturu bazarının genişlənməsini sürətləndirir. 2025-ci ildə süni intellekt çipləri bazarının həcmi təxminən 95 milyard dollara yaxınlaşıb.
Monetar.az xəbər verir ki, Nvidia şirkətinin 2026-cı maliyyə ilində məlumat mərkəzləri üzrə gəlirləri 194 milyard dollara yaxınlaşıb. Bu artım süni intellekt modellərinin hazırlanması və işlədilməsi üçün tələb olunan hesablama gücünə investisiyaların genişlənməsi ilə əlaqələndirilir.
Məlumat mərkəzləri süni intellekt sistemlərinin öyrədilməsi və işlədilməsi üçün böyük hesablama resursları təmin edir. Bu səbəbdən GPU istehsalçıları, server təchizatçıları və bulud xidmətləri göstərən şirkətlər arasında rəqabət güclənir.