2026-cı ilin yanvar-aprel aylarında Azərbaycan 1 211,36 ton buğda unu və buğda-çovdar unu ixrac edib. İxrac olunan məhsulun ümumi dəyəri 535,28 min ABŞ dolları təşkil edib.
Rəsmi statistikaya görə hesabat dövründə ixracın əsas hissəsi Gürcüstanın payına düşüb. Bu ölkəyə 1 128,96 ton un göndərilib və ixracın dəyəri 508,03 min ABŞ dolları olub. Orta ixrac qiyməti təxminən 450 ABŞ dolları/ton və ya 0,45 ABŞ dolları/kilogram təşkil edib.
Eyni zamanda, Azərbaycandan İrana 80 ton buğda unu ixrac olunub. Bu ixracın dəyəri 26,07 min ABŞ dolları təşkil edib.
Hesabat dövründə ölkəyə ümumilikdə 2 139,12 ton buğda unu idxal edilib. İdxalın ümumi dəyəri isə 1,03 milyon ABŞ dolları olub.
İdxalın əsas hissəsi Rusiyanın payına düşüb. Bu ölkədən Azərbaycana 2 069,98 ton buğda unu gətirilib. Həmin məhsulun dəyəri 943,76 min ABŞ dolları təşkil edib. Hesablamalara əsasən, Rusiya mənşəli unun orta idxal qiyməti təxminən 456 ABŞ dolları/ton və ya 0,46 ABŞ dolları/kilogram olub.
Beləliklə, 2026-cı ilin ilk dörd ayında Azərbaycanın buğda unu ticarətində əsas idxal tərəfdaşı Rusiya, əsas ixrac bazarı isə Gürcüstan olub.
MONETAR.AZ
