Dünya əmtəə bazarında əsas məhsulların qiymətlərində fərqli istiqamətlərdə dəyişikliklər qeydə alınıb. Şəkər və kakao bahalaşdığı halda, neft və təbii qaz ucuzlaşıb.
Monetar.az xəbər verir ki, şəkərin qiyməti 4,26%, kakaonun qiyməti isə 3,21% artıb. Düyünün qiyməti 1,07% azalıb.
Metallar arasında ən çox platin bahalaşıb – 1,62%. Mis 1,39%, gümüş isə 1,18% artıb. Qızılın qiyməti 0,11% geriləyib.
Enerji bazarında isə ucuzlaşma üstünlük təşkil edib. Böyük Britaniyada təbii qazın qiyməti 2,17%, Avropada təbii qaz 1,78%, benzin 1,76% ucuzlaşıb.
“Brent” markalı neft 1,21%, xam neft isə 1,15% dəyər itirib. Eyni zamanda propanın qiyməti 1,78%, soba yanacağının qiyməti isə 1,08% yüksəlib.
