Bu gün Atom Enerjisi üzrə Beynəlxalq Agentliyin (MAGATE) yaradılmasının 69-cu ildönümü tamam olur. Agentlik 29 iyul 1957-ci ildə nüvə enerjisindən dinc məqsədlərlə istifadəni təşviq etmək, nüvə təhlükəsizliyini gücləndirmək və nüvə silahlarının yayılmasının qarşısının alınmasına dəstək vermək məqsədilə təsis edilib.
Qərargahı Avstriyanın paytaxtı Vyanada yerləşən MAGATE hazırda 180-dən çox üzv dövləti bir araya gətirən nüfuzlu beynəlxalq təşkilatlardan biridir. Agentlik nüvə obyektlərinin təhlükəsizliyinin qiymətləndirilməsi, radiasiya təhlükəsizliyi standartlarının hazırlanması, eləcə də nüvə texnologiyalarının səhiyyə, kənd təsərrüfatı, sənaye və ətraf mühitin mühafizəsi sahələrində dinc məqsədlərlə tətbiqinə dəstək göstərir.
MAGATE eyni zamanda nüvə materiallarının yalnız dinc məqsədlərlə istifadəsinə nəzarət edir, üzv dövlətlərlə əməkdaşlıq çərçivəsində yoxlamalar aparır və beynəlxalq nüvə təhlükəsizliyi rejiminin möhkəmləndirilməsi istiqamətində fəaliyyət göstərir.
Azərbaycan da MAGATE ilə uğurlu əməkdaşlıq edir. Bu əməkdaşlıq çərçivəsində ölkəmizdə nüvə və radiasiya təhlükəsizliyinin gücləndirilməsi, mütəxəssislərin hazırlanması, eləcə də nüvə texnologiyalarının tibb, kənd təsərrüfatı və digər sahələrdə tətbiqi istiqamətində müxtəlif layihələr həyata keçirilir.
Yarandığı gündən etibarən MAGATE qlobal nüvə təhlükəsizliyinin təmin olunması, nüvə enerjisinin dinc məqsədlərlə istifadəsinin təşviqi və beynəlxalq əməkdaşlığın inkişaf etdirilməsi sahəsində mühüm rol oynamaqda davam edir.
MONETAR.AZ
