Hindistanın Neft Nazirliyi yanında Neft Sahəsinin Planlaşdırılması və Təhlili İdarəsinin (PPAC) məlumatına görə, ölkədə yanacaq istehlakı iyun ayında ötən ilin eyni dövrü ilə müqayisədə 3,1% azalıb.
Neft məhsullarına tələbatın əsas göstəricisi hesab olunan ümumi yanacaq istehlakı ay ərzində 19,42 milyon metrik ton təşkil edib.
İyun ayında benzinin satışı illik müqayisədə 7,4% artaraq 3,78 milyon metrik tona, dizel yanacağının istehlakı isə 6,2% yüksələrək 8,61 milyon metrik tona çatıb.
Mayeləşdirilmiş neft qazının (MNQ) satışı 14,3% azalaraq 2,19 milyon metrik tona enib. Nafta satışı isə 42,9% azalaraq 0,56 milyon metrik ton təşkil edib.
Yol tikintisində istifadə olunan bitumun satışı ay ərzində 18,3% azalıb. Mazut istehlakı isə iyun ayında cüzi artaraq ötən ilin eyni dövrü ilə müqayisədə 0,2% yüksəlib.
MONETAR.AZ
