Məlumatlara əsasən, 2026-cı ilin yanvar–aprel aylarında Azərbaycanın xarici ticarət dövriyyəsi artım dinamikası nümayiş etdirib. Dövlət Statistika Komitəsinin göstəricilərinə görə, həm ixrac, həm də idxal üzrə müsbət trend müşahidə olunub.
İlin ilk dörd ayında ixrac göstəriciləri ardıcıl artım nümayiş etdirib. Yanvarda 2 235 834,75 min ABŞ dolları olan ixrac, fevralda 2 707 345,30 min dollara yüksəlib. Mart ayında 2 734 009,97 min dollar səviyyəsində olan ixrac aprel ayında kəskin artaraq 4 201 387,80 min dollara çatıb.
Ümumilikdə yanvar–aprel dövründə ixrac həcmi 11 878 577,82 min ABŞ dolları təşkil edib.
İdxal göstəricilərində də artım tendensiyası qeydə alınıb. Yanvarda 1 302 203,75 min ABŞ dolları olan idxal fevralda 1 296 909,07 min dollara enib, lakin mart və aprel aylarında yenidən artaraq müvafiq olaraq 1 405 548,02 və 1 520 106,47 min dollara yüksəlib.
Ümumilikdə dörd ay üzrə idxal həcmi 5 524 767,31 min ABŞ dolları təşkil edib.
İxracın idxalı üstələməsi nəticəsində ticarət balansı müsbət qalmağa davam edib. Yanvar–aprel dövründə ümumi saldo 6 353 810,51 min ABŞ dolları təşkil edib.
Aylıq göstəricilərə baxdıqda, ən yüksək müsbət saldo aprel ayında qeydə alınıb — 2 681 281,33 min dollar.
Ümumi ticarət dövriyyəsi yanvarda 3 538 038,50 min dollardan aprel ayında 5 721 494,28 min dollara yüksəlib. Dörd aylıq ümumi dövriyyə isə 17 403 345,14 min ABŞ dolları təşkil edib.
MONETAR.AZ
