Rusiyanın cari əməliyyatlar balansının profisiti 2026-cı ilin birinci rübündə 12,2 milyard dollar təşkil edib. Bu göstərici ötən ilin eyni dövründə qeydə alınan 18,4 milyard dollarlıq profisitlə müqayisədə əhəmiyyətli dərəcədə aşağıdır.
Məlumata görə, bu, 2016-cı ildən bəri qeydə alınan ən zəif cari hesab profisiti hesab olunur. Azalmanın əsas səbəbi xalis ixracın kəskin zəifləməsi olub.
Hesabat dövründə mallar üzrə profisit 30,7 milyard dollardan 25,3 milyard dollara enib. İxracda cüzi artım müşahidə olunsa da, idxal 10 faiz artaraq 73 milyard dollara çatıb.
Ekspertlər bildirirlər ki, Qərbin sanksiyaları fonunda Rusiyanın sənaye sektorunda yaranan problemlər və kapital mallarının əldə edilməsində çətinliklər ölkə iqtisadiyyatının qeyri-Qərb ölkələrindən idxaldan asılılığını artırıb.
Eyni zamanda, xidmətlər balansı üzrə kəsir də genişlənərək 7,6 milyard dollardan 8,7 milyard dollara yüksəlib.
İlkin və ikinci dərəcəli gəlirlər hesabı üzrə kəsir isə cüzi azalaraq 4,7 milyard dollardan 4,4 milyard dollara düşüb.
MONETAR.AZ
