İyul ayında Bakı Metropoliteni ilə 16 milyondan çox sərnişin səfər edib. Bu barədə "Bakı Metropoliteni" QSC məlumat yayıb. Məlumata görə, sərnişin daşınması ötən ilin eyni ayı ilə müqayisədə 10,31% artıb.
Ay ərzində ən çox sərnişinə xidmət göstərən stansiya "Koroğlu" olub. Bu stansiyadan ümumilikdə 1 milyon 630 min 48 sərnişin istifadə edib.
İyul ayında metrodan ən intensiv istifadə olunan gün iyulun 1-i qeydə alınıb. Həmin gün metropolitenin xidmətlərindən 649 min 974 sərnişin yararlanıb.
QSC-nin məlumatına əsasən, iyul ayında NFC və QR bilet vasitəsilə ümumilikdə 8 milyon 567 min 107 ödəniş həyata keçirilib. Bu, ay ərzində ödənişli səfərlərin 52,99%-ni təşkil edib.
Bundan əlavə, iyul ayında "Əlçatan metro" xidmətindən 94 sərnişin istifadə edib.
