Ermənistan və ABŞ arasında TRIPP layihəsi ilə bağlı strateji əməkdaşlıq haqqında çərçivə sazişinin ratifikasiyasını nəzərdə tutan qanun layihəsi oktyabrın 27-də Ermənistan parlamentinin plenar iclasında müzakirəyə çıxarılacaq.
Monetar.az xəbər verir ki, oktyabrın 21-də Ermənistan parlamentinin Xarici əlaqələr üzrə daimi komissiyasında qanun layihəsi müzakirə olunub və səsvermədən sonra onun plenar iclasın gündəliyinə daxil edilməsi qərara alınıb.
Məlumata görə, sazişin ABŞ-də qüvvəyə minməsi üçün zəruri prosedurlar artıq başa çatıb. Ermənistanda da müvafiq prosedurlar tamamlandıqdan sonra beynəlxalq saziş qüvvəyə minəcək.
