Müasir smartfonlar daha böyük batareya tutumu və daha incə ekran çərçivələri təklif etməklə yanaşı, nazik korpusunu və yüngül çəkisini də qorumağa çalışır. Bununla belə, cihazların yıxılma və zərbələrə, əyilməyə, su və buxara, eləcə də temperatur dəyişikliklərinə davam gətirməsi tələb olunur. “HONOR Turbo” modelində mühəndislər bu məsələyə kompleks yanaşma tətbiq ediblər.
Smartfon 8560 mAh tutumlu akkumulyatorla təchiz olunub. Batareya altıqatlı zərbəuducu konstruksiyaya, “ballistik sinif” amortizasiya materialına və ayrıca fiksasiya sisteminə malikdir.
Korpus yüksək möhkəmlikli alüminium çərçivədən, gücləndirilmiş şüşədən və kompozit arxa qapaqdan hazırlanıb. Korpusun daxilində isə zərbə enerjisini paylayan və həssas komponentləri qoruyan əlavə amortizasiya qatları yerləşdirilib.
“HONOR Turbo” 1 metr hündürlükdən 120 dəfə düşmə, həmçinin əyilmə və 2,5 metrədək hündürlükdən düşmə sınaqlarından keçirilib. Bütün mexaniki yüklənmələrdən sonra cihaz IP66, IP68 və IP69K standartlarına uyğun suya davamlılıq xüsusiyyətini qoruyub.
Bundan əlavə, smartfon üçqat SGS sertifikatlaşdırılmasından keçib.
MONETAR.AZ
