Rusiyanın sentyabrın 10-dan 20-dək olan dövrdə buğda ixracı ötən ilin eyni dövrü ilə müqayisədə təxminən 4 dəfə azalaraq 347 min tona düşüb. Bu müddətdə taxıl daşımalarının əsas hissəsi Baltik dənizi limanlarına yönəlib.
Monetar.az xəbər verir ki, Rusiya Taxıl İttifaqının monitorinqinə görə, ötən ilin eyni dövründə ölkədən 1,3 milyon ton buğda ixrac edilib.
Eyni dövrdə arpa ixracı 9,9 dəfə azalaraq 21,9 min tona, qarğıdalı ixracı isə 3,3 dəfə azalaraq 11,8 min tona düşüb. Əsas taxıl növləri üzrə ümumi ixrac 381 min ton təşkil edib. Bir il əvvəl bu göstərici təxminən 1,6 milyon ton olub.
Sentyabrın yekununda Rusiyanın buğda ixracının təxminən 1 milyon ton olacağı proqnozlaşdırılır. Müqayisə üçün, 2025-ci ilin sentyabrında bu göstərici 5,7 milyon ton, 2026-cı ilin avqustunda isə 1,3 milyon ton olub.
İxrac coğrafiyası da əhəmiyyətli dərəcədə daralıb. Hesabat dövründə Rusiya buğdasının göndərildiyi ölkələrin sayı 29-dan 8-ə düşüb. Ən böyük alıcı Misir olub, lakin bu ölkəyə tədarük 3,6 dəfə azalaraq 81 min tona enib.
Keniya Rusiyadan 50 min ton buğda alıb ki, bu da əvvəlki ilin eyni dövründən 2,3 dəfə azdır. Yəmənə tədarük 32,4 min ton, Nigeriyaya isə 30 min ton təşkil edib.
Bununla yanaşı, İrana buğda ixracı kəskin artaraq 1 min tondan 28,6 min tona yüksəlib. Meksika isə bu dövrdə yeni istiqamət kimi qeydə alınıb və bu ölkəyə 25 min ton buğda göndərilib. Rusiyanın əvvəlki əsas alıcılarından olan Türkiyə isə cəmi 6,1 min ton buğda alıb. Ötən ilin eyni dövründə bu göstərici 200 min tondan çox olub.
İxracın logistikasında da ciddi dəyişiklik baş verib. Taxıl və paxlalı bitkilərin yüklənməsi 9 liman vasitəsilə həyata keçirilib. Bir il əvvəl bu rəqəm 35 olub. Ən çox yük Vısoçk limanından göndərilib – 135 min ton. Ust-Luqadan 85 min ton, Həştərxandan 51 min ton, Kalininqraddan isə 30 min ton yola salınıb.
Qara dəniz limanlarından, o cümlədən Tuapsedən daşımalar da kəskin azalıb. Tuapse limanından buğda yükləmələri 9,3 dəfə azalaraq 6,1 min tona düşüb.
Qiymətlərdə də enmə müşahidə olunub. Sentyabrın ikinci ongünlüyündə Avropada buğdanın qiyməti 2 dollar azalaraq ton üçün 289 dollara, ABŞ buğdasının qiyməti isə 1 dollar azalaraq 307 dollara düşüb. Rusiyanın Novorossiysk limanında FOB şərti ilə buğdanın qiyməti 212 dollar təşkil edib.
Beləliklə, Rusiya buğdası ilə Avropa buğdası arasında qiymət fərqi 77 dollara çatıb. Rusiyada istehsalçı qiyməti isə ton üçün orta hesabla 8,9 min rubla düşüb. Məlumata görə, bu,
