İyul ayında Azərbaycanda daşınmaz əmlak bazarında obyektlərin satış müddəti seqmentlər üzrə fərqlənib. Monetar.az Qiymətləndiricilər Palatasına (AQP) istinadən xəbər verir ki, ən qısa satış müddəti yeni tikililərdə, ən uzun müddət isə həyət evlərində qeydə alınıb.
Yeni tikili mənzillər orta hesabla 11-15 gün ərzində satılıb. Bu göstərici yeni tikililərin bazarda ən sürətli satılan əmlak növü olduğunu göstərir.
Köhnə tikili mənzillərin satış müddəti 16-23 gün təşkil edib. Kommersiya obyektləri də 16-24 gün ərzində satılıb.
Torpaq sahələrinin satış müddəti 18-26 gün arasında dəyişib. Qarajlarda isə bu müddət 23-33 gün olub.
Ən uzun satış müddəti həyət evlərində qeydə alınıb. Bu seqmentdə əmlakların satışı 24-35 gün çəkib.
Beləliklə, iyul ayında daşınmaz əmlak bazarında satış müddəti minimum 11, maksimum isə 35 gün təşkil edib. Ən tez satılan əmlaklar yeni tikililər, ən uzun müddət bazarda qalanlar isə həyət evləri olub.
