Cəbrayıl rayonunda yerləşən “Araz Vadisi İqtisadi Zonası” Sənaye Parkında dalan dəmir yolu xətti infrastrukturunun yaradılması ilə bağlı tikinti-quraşdırma işləri satınalmaya çıxarılıb. Monetar.az xəbər verir ki, layihənin ehtimal olunan qiyməti 18 milyon 44 min 531,68 manatdır.
Satınalma İqtisadiyyat Nazirliyinin Tikinti-Təchizat Birliyi tərəfindən həyata keçirilir. Müsabiqənin nömrəsi 2026/AT/03584/V2-dir.
Təkliflərin təqdim olunması üçün son tarix 9 sentyabr 2026-cı il, saat 17:30 müəyyən edilib. Zərflər də həmin tarix və saatda açılacaq.
Layihə “Araz Vadisi İqtisadi Zonası” Sənaye Parkının dəmir yolu nəqliyyatına çıxışının təmin edilməsi baxımından əhəmiyyət daşıyır.
