Avtomobil istehsalçısı Stellantis radio proqram təminatında yaranan problemin arxa görüntü kameralarının düzgün işləməsinə mane ola biləcəyi səbəbilə dünya üzrə 955 minə yaxın avtomobili geri çağıracağını açıqlayıb.
Monetar.az xəbər verir ki, geri çağırma kampaniyası çərçivəsində ABŞ-da 2026 və 2027-ci model ilinə aid təxminən 848 min avtomobil servisə dəvət olunacaq.
Geri çağırılan modellər arasında Chrysler Pacifica, Pacifica Plug-in Hybrid və Voyager, Dodge Charger, Jeep Cherokee, Compass, Gladiator, Grand Cherokee, Grand Wagoneer və Wrangler, həmçinin Ram 1500, 2500 və ProMaster yer alır.
Şirkətin məlumatına görə, Kanada, Meksika və digər bazarlarda da təxminən 107 min avtomobil geri çağırılacaq.
Stellantis bildirib ki, problem arxa görüntü kamerasının işləməməsinə səbəb ola bilər. Bu isə sürücünün avtomobilin arxasındakı maneələri görməsini çətinləşdirərək qəza riskini artıra bilər.
