Elektrik enerjisi istehsalı 3,2% azalıb, külək enerjisində 22,9 dəfə artım qeydə alınıb. Dövlət Statistika Komitəsinin məlumatına görə, elektrik enerjisi istehsalı 12 536,1 milyon kVt/saat təşkil edib. Bu, əvvəlki ilin müvafiq dövrü ilə müqayisədə 3,2% azalma deməkdir. Əmtəəlik elektrik enerjisi istehsalı isə 12 170,9 milyon kVt/saat olub və illik müqayisədə 2,7% azalıb.
İstilik elektrik stansiyalarında elektrik enerjisi istehsalı 9 414,2 milyon kVt/saat təşkil edib. Bu göstərici əvvəlki ilin eyni dövrü ilə müqayisədə 8,3% azalıb.
Su elektrik stansiyalarında isə artım qeydə alınıb. Bu stansiyalarda 1 874,4 milyon kVt/saat elektrik enerjisi istehsal olunub ki, bu da əvvəlki ilin müvafiq dövrü ilə müqayisədə 1,7% artım deməkdir.
Külək elektrik stansiyalarında istehsal 499,9 milyon kVt/saat təşkil edib. Bu göstərici əvvəlki ilin eyni dövrü ilə müqayisədə 22,9 dəfə artıb.
Günəş elektrik stansiyalarında 256,4 milyon kVt/saat elektrik enerjisi istehsal olunub. Bu sahədə istehsal həcmi əvvəlki ilin müvafiq dövrü ilə müqayisədə 0,8% azalıb.
Biokütlə və tullantıların yandırılması ilə işləyən elektrik stansiyalarında istehsal 126 milyon kVt/saat olub. Bu göstərici əvvəlki ilin eyni dövrü ilə müqayisədə 6,9% artıb.
Su təchizatı və tullantıların təmizlənməsi sahəsində də artım müşahidə olunub. Yanvar-iyun aylarında suyun təmizlənməsi və bölüşdürülməsi üzrə xidmətlərin həcmi 307,8 milyon kubmetr təşkil edib ki, bu da əvvəlki ilin müvafiq dövrü ilə müqayisədə 4,1% çoxdur.
Dövlət Statistika Komitəsinin məlumatları göstərir ki, hesabat dövründə elektrik enerjisinin ümumi istehsalında azalma qeydə alınsa da, alternativ enerji mənbələri üzrə artım müşahidə olunub. Xüsusilə külək elektrik stansiyalarında istehsalın kəskin yüksəlməsi diqqət çəkir.
MONETAR.AZ
