Fransa dövlətinin 10 illik istiqrazlarının gəlirliliyi 3,97 faizə yüksələrək 2009-cu ilin iyunundan bəri ən yüksək göstəricini qeydə alıb.
Bazar məlumatlarına görə, son 4 həftə ərzində Fransanın 10 illik istiqraz gəlirliliyi 37 baza bəndi artıb. Son 12 ayda isə artım 70,5 baza bəndi təşkil edib.
İstiqraz gəlirlərindəki yüksəliş investorların Fransa dövlət borcu ilə bağlı risk qiymətləndirmələrinin dəyişdiyini göstərir. Yüksək gəlirlilik adətən dövlətin borclanma xərclərinin artması və bazarın daha yüksək risk mükafatı tələb etməsi ilə əlaqələndirilir.
Avropanın əsas iqtisadiyyatlarından biri olan Fransada büdcə kəsiri, dövlət borcunun həcmi və maliyyə siyasəti ilə bağlı narahatlıqlar istiqraz bazarının diqqət mərkəzində qalır.
Monetar.az
