Çinin Sənaye və İnformasiya Texnologiyaları Nazirliyi dünən və bugün Chery, Nio və JAC şirkətlərində intellektual şəbəkələşmiş avtomobillərin təhlükəsizliyi ilə bağlı inspeksiya yoxlamaları aparıb.
Nazirliyin məlumatına görə, yoxlamalar zamanı şirkətlərin layihələndirmə, tədqiqat və inkişaf (R&D), istehsal imkanları, istehsal proseslərinin sabitliyinin təmin edilməsi, eləcə də qüvvədə olan normativ tələblərə uyğunluğu qiymətləndirilib.
İnspeksiya çərçivəsində nazirlik kənar təşkilatlar vasitəsilə milli standartlara uyğunluğun yoxlanılması məqsədilə avtomobillərdən və güc akkumulyatorlarından təsadüfi qaydada nümunələr seçərək sınaqlara göndərib.
Qurum hələlik yoxlamaların nəticələrini açıqlamayıb.
Qeyd edək ki, ötən həftə Çinin Sənaye və İnformasiya Texnologiyaları Nazirliyi GAC Aion və Xpeng şirkətlərində də analoji təhlükəsizlik yoxlamaları həyata keçirmişdi.
MONETAR.AZ
