Dünyada hər il milyonlarla ton alma istehsal olunur və bu sahədə Çin böyük fərqlə liderdir. Mövcud göstəricilərə görə, ölkə 47 milyon ton alma istehsal edir. Avropa İttifaqı 11,5 milyon tonla ikinci, ABŞ isə 5 milyon tonla üçüncü yerdədir.
Monetar.az xəbər verir ki, Çin və Avropa İttifaqının birlikdə payına dünya üzrə alma istehsalının 70%-dən çoxu düşür.
Reytinqdə Hindistan 2,6 milyon ton göstərici ilə dördüncü yerdə qərarlaşıb. Beləliklə, ilk dörd istehsalçı arasında Çin digər ölkələri əhəmiyyətli dərəcədə qabaqlayır.
Məlumatlara görə, qlobal alma istehsalı əvvəlki illə müqayisədə ümumilikdə ciddi dəyişməyib. Bununla belə, Çində istehsal illik müqayisədə 5% azalıb.
Alma dünyada geniş istehlak olunan meyvələrdən biridir. Təqdim edilən hesablamaya görə, gündəlik qlobal istehlak 1,3 milyard ədəddən çoxdur.
