Sankt-Peterburq birjası iyulun 21-dən etibarən benzin satışlarında yeni mexanizm tətbiq edəcək.
Yeni qaydalara əsasən, birjada benzin yalnız öz istifadəsi üçün və ya son istehlakçılar üçün alına biləcək. Üçüncü şəxslər üçün benzin almaq hüququ isə yalnız birja üzvlərinə və “Neft məhsulları” bölməsinin iştirakçılarına veriləcək.
Birjanın məlumatında bildirilir ki, iyulun 21-dən etibarən “yola salınma stansiyasında franko-vaqon” şərti ilə benzin alışlarında yükalanın və ya əlavə yükalanın son istehlakçı olduğu göstərilməli, həmçinin yanacağın son istehlakçılar tərəfindən istifadə ediləcəyini təsdiq edən sənəd təqdim olunmalıdır.
Sankt-Peterburq birjası qeyd edib ki, yeni tədbirlər yanacaq təchizatı zəncirlərinin şəffaflığını artırmaq və birja vasitəsilə satılan neft məhsullarına son istehlakçıların prioritet çıxışını təmin etmək məqsədi daşıyır.
MONETAR.AZ
