Tesla şirkəti təxminən 8 aydan sonra Cybertruck elektrik pikaplarının istehsalını dayandırmağı planlaşdırır. Bu barədə şirkətin rəhbəri İlon Mask X sosial şəbəkəsindəki paylaşımında məlumat verib.
Maskın sözlərinə görə, Tesla istehsal xətti bağlanana qədər mümkün qədər çox Cybertruck buraxmağa çalışacaq. İstehsal dayandırıldıqdan sonra isə şirkət çoxsaylı müştərilərə əvvəlcədən ödədikləri depozitləri geri qaytarmalı olacaq.
Şirkət rəhbəri qərarın səbəblərindən biri kimi Cybertruck modelinin istehsal prosesinin mürəkkəbliyini göstərib. Onun fikrincə, bu avtomobillərin istehsalına ayrılan resurslar alternativ olaraq daha çox Cybercab buraxılmasına imkan vermir və nəticədə yaranan fürsət xərcləri Cybertruck-dan əldə edilən mənfəəti üstələyir.
Bununla belə, Mask qeyd edib ki, Cybertruck-a sifarişlərin daxilolma tempi hələ də şirkətin istehsal imkanlarını üstələyir.
MONETAR.AZ
