Çinin süni intellekt sahəsində fəaliyyət göstərən DeepSeek şirkəti hesablama infrastrukturunu genişləndirmək məqsədilə Daxili Monqolustanda iri məlumat mərkəzi (data mərkəzi) tikməyi planlaşdırır.
Monetar.az xəbər verir ki, yeni obyekt Pekindən təxminən 350 kilometr şimal-qərbdə yerləşən Ulanqab şəhərində inşa olunacaq. Layihə çərçivəsində şirkətin hesablama gücünün 1 giqavat artırılması nəzərdə tutulur.
Məlumata əsasən, DeepSeek həm öz məlumat mərkəzlərini tikəcək, həm də digər provayderlərdən əlavə sahələr icarəyə götürəcək. Yerli hakimiyyət orqanlarının icazə bazasına görə, artıq ondan çox şirkət də bu bölgədə oxşar layihələr həyata keçirməyi planlaşdırır ki, bu da Ulanqabın süni intellekt üzrə regional mərkəzə çevrildiyini göstərir.
Şirkət yeni məlumat mərkəzinin ən azı bir hissəsini 2027-ci ilin sonu və ya 2028-ci ilin əvvəlində istifadəyə verməyi hədəfləyir.
