Bitcoin bugün son həftələrdə qeydə alınan güclü yüksəlişdən sonra 66 min dollar həddinə yaxın səviyyədə sabitləşib. İnvestorların diqqəti ABŞ Konqresində müzakirə olunan CLARITY Act qanun layihəsinə, eləcə də Yaxın Şərqdə davam edən geosiyasi gərginliyə yönəlib.
Son həftələrdə ABŞ-da fəaliyyət göstərən spot Bitcoin ETF-lərinə kapital axınının yenidən artması bazarda alış marağını gücləndirib. Bu amil Bitkoinin cari il ərzində qeydə alınan minimum səviyyələrdən kəskin yüksəlməsinə şərait yaradıb və ümumilikdə kriptovalyuta bazarında müsbət əhval-ruhiyyəni dəstəkləyib.
Bununla yanaşı, bazar iştirakçıları ABŞ Konqresində müzakirə olunan CLARITY Act qanun layihəsini yaxından izləyirlər. Sözügedən təşəbbüs rəqəmsal aktivlərin tənzimlənməsi ilə bağlı hüquqi çərçivənin daha aydın müəyyənləşdirilməsini hədəfləyir və onun qəbul olunacağı təqdirdə ABŞ kriptovalyuta bazarında hüquqi qeyri-müəyyənliyin azalacağı gözlənilir.
Eyni zamanda, Yaxın Şərqdə davam edən geosiyasi risklər investorların riskli aktivlərə münasibətinə təsir göstərməkdə davam edir və qiymətlərdə daha güclü artımı məhdudlaşdırır.
Ticarət məlumatlarına əsasən, dünyanın ən böyük kriptovalyutası olan Bitcoin Bakı vaxtı ilə saat 10:29-a olan vəziyyətə görə 0,1% ucuzlaşaraq 65 857,6 dollar səviyyəsində ticarət olunub.
MONETAR.AZ
