ABŞ dollarının zəifləməsi fonunda İsveçrə frankı mövqeyini gücləndirərək son iki ayın ən yüksək səviyyəsinə çatıb.
Monetar.az xəbər verir ki, noyabrın 4-də bir ABŞ dolları 0,81 İsveçrə frankına bərabər olub. Bu, sentyabrın əvvəlindən bəri qeydə alınan ən yüksək göstəricidir.
Frankın möhkəmlənməsinə İsveçrədə inflyasiyanın sürətlənməsi də təsir göstərib. Oktyabrda illik inflyasiya 1,5%-ə yüksələrək təxminən son üç ilin maksimumuna çatıb. Enerji qiymətlərinin artması ölkədə qiymət təzyiqlərini gücləndirib.
Bazar iştirakçıları inflyasiyanın yüksəlməsinin İsveçrə Milli Bankının 2027-ci ildə faiz dərəcələrini artırması ehtimalını gücləndirə biləcəyini düşünürlər. Bu gözləntilər də frankın məzənnəsinə dəstək verən amillər sırasındadır.
